मोटरसाइकलमा १० वर्षे विश्व भ्रमण यात्रामा निस्के यामप्रशाद

स्याङ्जा– स्याङ्जाका ३० वर्षे यामप्रसाद लुइँटेलले शुक्रबारदेखि मोटरसाइकलबाट विश्वभ्रमणको यात्रा सुरु गरेका छन्। आठ लाख किलोमिटर यात्रा गरी गिनिज बुकमा नाम लेखाउने उद्देश्य लिएर उनी विश्वभ्रमणमा निस्केका हुन्। वालिङ् नगरपालिका १४ तमादीका लुइँटेलले १० वर्षे विश्व भ्रमण यात्रा स्याङ्जादेखि सुरु गरेका हुन्।

आमा, बुवा, दाई, भाउजुलगायत घरपरिवारको आशीर्वाद लिएर निस्केका लुइँटेललाई जिल्ला समन्वय समिति स्याङ्जाले पनि विधिवतरूपमा विश्वभ्रमण यात्रा शुभारम्भ कार्यक्रमको आयोजना गरी विदाइ गरेको छ।

कालो वर्ण, अग्लो कद, अग्लो मोटरसाइकलको पछाडि नेपालको झण्डा फहराउँदै हुइँकिँदै निस्केका लुइँटेलले भ्रमण वर्ष २०२० को अवसर पारेर नेपाललाई विश्वभर चिनाउने अभियानमा लागिपरेको बताए। विश्वका १ सय ९२ देश पुग्ने लक्ष्य लिएका उनले ८ लाख किलोमिटर मोटरसाइकल यात्रा पूरा गरी गिनिज बुकमा रेकर्ड राख्ने जनाए। हाल गिनिज बुकमा नाम लेखाउन सफल अस्ट्रियाका इमेलिया स्टोनको ७ लाख ३५ हजार किलोमिटर यात्रा रहेको छ।

पारिवारिक अवस्था कमजोर हुँदा उच्च शिक्षा पढन नपाएको बताउँदै उनले २०६५ सालमा साउदी अरब पुगेको र फर्केपछि नेपालमै व्यवसाय गरे पनि केही उपलब्धि हुन नसकेको उनले दुखेसो पोखे। उनले थपे, ‘सानो र राम्रो हाम्रो नेपाललाई विश्वसामु चिनाउन दुई वर्ष अघिदेखि विभिन्न देशका भाषा, सवारी साधन चलाउने सीप सिकेको छु।’

नेपालका ७ सय ५३ स्थानीय तहको भ्रमणपछि उनी विश्व भ्रमणमा निस्कने भएका छन्। करिब १० वर्षमा पुनः उनी स्याङ्जा फर्केर आउँदा विभिन्न देशमा पुगेको डकुमेन्ट्रीसहित आउने उनले प्रतिबद्धता जनाए। दैनिक दुई सय ५० किलोमिटर मोटरसाइकल यात्रा गर्ने उनको लक्ष्य छ।

जिल्ला समन्वय समितिका प्रमुख सीता सुन्दास, गल्याङ प्रमुख भूपराज अधिकारी, पुतलीबजार नगर उपप्रमुख महेश पुरी, निमित्त प्रमुख जिल्ला अधिकारी धु्रव गिरी, जिल्ला समन्वय अधिकारी विश्वप्रकाश अर्याल, पत्रकार महासंघका उपाध्यक्ष अर्जुन काफ्लेलगायतले लुइँटेलको यात्राको सफलताको कामना गर्दै आवश्यक सहयोग गर्ने प्रतिबद्धता जनाए।

अविवाहित लुइँटेल आफ्नो अभियानलाई सबैले सहयोग गर्ने जनाएका कारण विश्व भ्रमणजस्तो यात्रामा सहभागी हुने अवसर मिलेको बताउँछन्। शुक्रबारदेखि नै उनले आफ्ना आमा, बुबा, दाजु, भाउजु र भतिजीको आशीर्वाद र माया बोकेर परिवारको अनुमति र सहमतिमै विश्व भ्रमणमा निस्केको जनाए।अन्नपुर्ण


ताजा खबर

महेन्द्रनगरमा फागुन १ देखि सुदूरपश्चिम प्रदेश स्तरिय औद्योगिक व्यापार मेला हुने,

महेन्द्रनगर–महेन्द्रनगरमा सुदूरपश्चिम प्रदेशस्तरिय औद्योगिक व्यापार मेला तथा कञ्चनपुर पर्यटजन...

क्टरको लाइसेन्स परीक्षामा ५३ प्रतिशत फेल

१५ माघ, काठमाडौं । चिकित्सकहरुको नाम दर्ता प्रमाणपत्र (लाइसेन्स)...

चितवन–२ मा उपनिर्वाचन

काठमाडौँ, माघ १४ गते । सर्वोच्च अदालतले उपप्रधानमन्त्री तथा...

सुदूरपश्चिमबाट राष्ट्रिय गौरवका आयोजनाको निरीक्षण सुरु गर्ने प्रधानमन्त्रीको तयारी

कञ्चनपुर। प्रधानमन्त्री पुष्पकमल दाहाल (प्रचण्ड)ले सुदूरपश्चिमबाट राष्ट्रिय गौरवका आयोजनाको...

रास्वपाको कार्यवाहक सभापति र संसदीय दलको नेतामा डीपी अर्याल

काठमाडौं । राष्ट्रिय स्वतन्त्र पार्टीले डोलप्रसाद (डिपी) अर्याललाई कार्यवाहक...

Website developed by:

spot_img

छुटाउनु भयो कि ?