महेन्द्रनगर । कञ्चनपुरमा आयोजित विभिन्न महोत्सले कञ्चनपुरको रौनक बढेको छ । हाल कञ्चनपुरमा तीन छुट्टा–छुट्टै मेला तथा महोत्सव सञ्चालित छन् ।
कञ्चनपुरको शुक्लाफाँटा नगरपालीका स्थित झलारीमा शुक्लाफाँटा (महाशिवरात्री) साँस्कृतिक पर्यटन मेला २०७६ त्यस्तै भीमदत्त नगरपालीको आयोजनामा तेस्रो शुक्लाफाँटा तथा झलुुङ्गे पुल पर्यटन महोत्सव र उद्योग वाणिज्य संघ कञ्चनपुरको आयोजनामा सुदूरपश्चिम औद्योगिक व्यापार मेला तथा कञ्चनपुर पर्यटन महोत्सव एकै साथ सञ्चालन हुदा कञ्चनपुर मेलामय भएको हो ।
उद्योग वाणिज्य संघ कञ्चनपुरले आयोजना गरेको सुदूरपश्चिम औद्योगिक व्यापार मेला तथा कञ्चनपुर पर्यटन महोत्सवमा दर्शकको अन्य मेला भन्दा बढी घुईचो लाग्ने गरेको छ ।
शुक्रवार महेन्द्रनगरमा पानी पर्दा समेत महोत्सव हेर्न आउने दर्शकको भीडमा भने कुनै कमी आएको थिएन । उद्योग वाणिज्य संघ कञ्चनपुरको आयोजना तथा भीमदत्त नगरपालिकाको सहकार्यमा गत बुधवार देखि फागुन १७ गते सम्म हुने उक्त महोत्सव अवलोकन गर्नेको संख्या दिन दिनै बढ्दै गएको महोत्सव आयेजक समितिले जनाएको छ ।
चर्चित राष्ट्रिय तथा स्थानिय कलाकारहरुको प्रस्तुति हेर्न लाग्ने दर्शकहरुको घुईचोले सुदूरपश्चिम औद्योगिक व्यापार मेला तथा कञ्चनपुर पर्यटन महोत्सवको रौनक बढेको छ । महोत्सवमा शनिवार चर्चित गायीका अनिता चलाउने, गायक मनोज धामी लगायतले दर्शकलाई नचाएका थिए ।
उनिहरुको फर्खाईमा बसेका हजारौ दर्शकले जब अनिता र मनोजलाई स्टेजमा देख्ने वित्तिकै हुटिङ गर्दै उनीहरुकोे गानामा नाचेर साथ दिएका थिए ।
शनिवार अनिता चलाउने, मनोज धामी,रुविना अधिकारी लगायत स्थानिय कलाकारहरुको प्रस्तुतिले महोत्सवको रौनक झन बढेको थियो ।
त्यस्तै आईतवार चर्चित गायक सुगम पोखरेल, गायीका सृजना खत्री लगायत स्थानिय कलाकारहरुको प्रस्तुति रहने महोत्सवको सचिवालयले जानकारी दिएको छ ।
