महेन्द्रनगर । महेन्द्रनगरमा निजी तथा आवासीय विद्यालय अर्गनाइजेशन, नेपाल कञ्चनपुरको आयोजनामा आयोजित ‘११ औँ प्याब्सन फेस्टेवल’मा डायमण्ड पब्लिक एकाडेमी प्रथम, सनराईज पब्लिक स्कुल द्धितिय र ब्राइट स्टार बोडिङ स्कुल तृतिय भएका छन् ।
जिल्लामा प्रथम भएको डायमण्डले आधारभुत तह अन्तर्गतका खेलमा ७ स्वर्ण, १ रजत, ६ कांस्य र त्यस्तै माध्यमिक तह अन्तर्गतका खेलमा १४ स्वर्ण, ३ रजत, ७ कांस्य गरी जम्मा २१ स्वर्ण, ४ रजत, १३ कांस्य पदक जितेको छ ।
द्धितिय भएको सनराईजले आधारभुत तहमा २ स्वर्ण, १ कांस्य र माध्यमिक तहमा ३ स्वर्ण, ५ रजत, २ कांस्य गरी जम्मा ५/५ स्वर्ण र रजत, ३ कांस्य पदक जितेको छ ।
त्यस्तै तृतिय भएको ब्राइट स्टार बोडिङ स्कुलले आधारभुत तहमा ५ स्वर्ण, २ कांस्य र माध्यमिक तहमा ३ रजत,२ कांस्य गरी जम्मा ५ स्वर्ण, ३ रजत, ४ कांस्य पदक जितेको छ ।
त्यस्तै मार्चपासको उत्कृष्ट पाँचमा डायमण्ड पब्लिक एकाडेमी, शान ईन्टरनेशनल,होली फेम्ली, ईन्टरनेशनल पब्लिक स्कुल र ज्ञानोदय पब्लिक एकाडेमी परेका छन् ।
बुधवार प्याब्सन कञ्चनपुरका अध्यक्ष महाशर्मा न्यौपानेको अध्यक्षतामा सञ्चालित समापन कार्यक्रमका प्रमुख अथिति प्याब्सन सुदूरपश्चिम प्रदेशका अध्यक्ष तथा ग्लोबल एकाडेमीका प्रधानाध्यापक सुरेन्द्र ओझा रहेका थिए ।
११ औँ प्याब्सन फेस्टेबल का संयोजक अमराज भट्टले स्वगत मन्तब्य राखेको समापन कार्यक्रममा प्रमुख अथिति ओझाले सम्पुर्ण विजेता विद्यार्थी तथा विद्यालयलाई बधाई तथा शुभकामना दिएका थिए ।
कार्यक्रममा पत्रकार, प्रहरी, विभिन्न सरकारी तथा गैर–सरकारी संस्थाका प्रतिनिधि, विद्यार्थी लगाएतको उपस्थिति रहेको थियो ।
