दोधराचाँदनीलाई विकास र आर्थिक केन्द्रको मुलधारमा जोड्ने काम सुरु भएको छः निवर्तमान सांसद भट्ट

महेन्द्रनग । कञ्चनपुर क्षेत्र नम्बर ३ का निवर्तमान प्रतिनिधि सभा सदस्य डा. दिपक प्रकास भट्टले दोधराचाँदनीलाई विकासको मुल प्रवाहमा जोड्ने काम गरिएको बताएका छन् ।
सोमबार दोधराचाँदनी ८ मा चुनावी सभालाई सम्बोधन गदैँ उनले पछिल्ला पाँच वर्षमा नगरलाई विकास र आर्थिक केन्द्रको रुपमा जोड्ने काम भएको बताए ।
उनले महाकाली पुलको समयमै निर्माण कार्य सम्पन्न गरि दोधराचाँदनी सुक्का बन्दरगाह निर्माणको काम अघि बढेकोले निकट भविष्यमा यो क्षेत्र देशकै ठुलो व्यापारिक नाकाको रुपमा विकसित हुने बताए ।
उनले लामो समयदेखि अवरुद्ध रहेका महाकाली करिडोरको कामलाई दोधराचाँदनीसँग जोडेर काम सुरु गरिएको पनि उनले बताए ।
ठुला विकासका आयोजना सञ्चालनका लागि एमालेलाई नै जिताउनु अपरिहार्य रहेको उनको भनाई छ ।
आफै कायकालमा मझगाँउ विमास्थल सुरु गरिएकोमा प्रधानमन्त्री शेर बहादुर देउवाको अनिक्षाका कारण अवरुद्ध रहेको उनले बताए । ‘नेपाली सेनाले विमानस्थलको केही भुभाग कब्जा गरेको छ ।’ उनले भने ‘प्रधानमन्त्री देउवाले नै समालेको रक्षा मन्त्रालयले सानो निर्णय गरि दिए यसको काम अघि बढ्थ्यो तर त्यो उनले र नेपाली कांग्रेसलाई विकासको काम अघि बढाउन चाहेको छैन् ।’
त्यस्तै उनले एमालेले जिते महाकाली र जोगबुढामा पक्की तटबन्धसँगै पुल पनि निर्माण गरिने बताए ।
ओली नेतृत्वको सरकारले मात्रै सुखी नेपाली, समृद्ध नेपालको सपना पुरा हुनेपनि उनको भनाई छ ।
त्यस्तै आफुहरु जनताको सुखदुखमासँगसँगै रहेको उल्लेख गदैँ बाढी आउँदा प्रधानमन्धी शेर बहादुर देउवाले हेलिकप्टरबाट अनुगमन गरेपनि पिडितलाई उपयुक्त राहत नदिएका उनले गुनासो गरे ।