कञ्चनपुर,५ असार । कञ्चनपुरको वेदकोट नगरपालिकामा नापी कार्य तथा जग्गाधनी पूर्जाका लागि जीपीएस पोइन्ट राख्ने काम सुरु गरिएको छ।
नगरपालिकामा आगामी साउनदेखि नापी कार्य र अव्यवस्थित बसोबासीलाई जग्गाधनी पूर्जा दिनका लागि शुक्रबारबाट जीपीएस पोइन्ट राख्ने काम सुरु गरिएको जनाएको छ ।
नगरपालिकाको वडा नम्बर १ र २ बाट सो कार्य सुरु गरिएको छ । ८ सदस्यीय प्राविधिक टोली फिल्डमा खटाइएको र क्रमश सबै वडामा जीपीएस पोइन्ट राखिने नगर प्रमुख अशोककुमार चन्दले बताए ।
