कञ्चनपुर – शुक्लाफाँटा नगरपालिका वडा नं.८ का वडाध्यक्ष बहादुर सिंह महरामाथि कुटपिट भएको छ । नेपाल तरुण दलका वडा सभापति नारद ठगुन्नाको नेतृत्वमा आएका युवाहरुले वडा अध्यक्ष महरामाथी कुटपिट गरेका हुन् । आइतबार विहान ११ बजे वडा कार्यालय पुगेका युवाहरुले कार्यालयमा तोडफोडका साथै आफुमाथि आक्रमण गरको वडा अध्यक्ष महाराले बताए ।
यता तरुण दलका वडा सभापति ठगुन्नाले भने शनिवार बेलुकी आफ्नो भाइलाई बीचबाटोमा रोकेर अध्यक्ष महराले विनाकारण कुटपिट गरेको आरोप लगाएका छन् । आइतबार बिहान छलफलका लागि आफु वडा कार्यायमा जाँदा अध्यक्ष महराले दुर्व्यवहार गर्दै आफूलाई डस्टर प्रहार गरेकोले आफूले पनि हातपात गरेको ठगुन्नाको भनाइ छ । घटनाबारे प्रहरीले थप अनुसन्धान गरिरहेको इलाका प्रहरी कार्यालय झलारीका प्रहरी निरीक्षक धर्मेन्द्र रावलले बताए ।
सम्बन्धित शिर्षक
