महेन्द्रनगर । बझाङको केदारस्युँ गाउँपालिका–८ मल्लेसीमा गएको पहिरोमा पुरिएका ६ जनाको शव भेटिएको छ ।
गएराती १ बजेतिर गएको पहिरोमा पुरीएका ७ जनामध्ये ६ जानको शव भेटिएको र अन्य एक जना अझै सम्पर्कविहिन रहेको केदारस्युँ गाउँपालिका–८ का वडाध्यक्ष गणेश बोहराले बताए ।
उनका अनुसार पहिरोमा पुरीएका १२ वर्षिय प्रयाग जेठारा,८० वर्षिय दले जेठारा,४० वर्षिया राममती जेठारा र १३ वर्षिया अस्मिता जेठारा, १३ वर्षिया सन्तु जेठारा,१५ वर्षिया शान्ति जेठाराको शव भेटिएको छ ।
तर २२ वर्षिया गिरी जेठारा भने अझै सम्पर्क विहिन रहेको र हाल उनको खोजी कार्य भैरहेको वडाध्यक्ष बोहराले बताए । उनले भने ‘ अहिले दुर्गाथली र धोताको प्रहरी टोली पुगेको छ । र अहिले बेपत्ता भएकाको खोजी कार्य भइरहेको छ ।
’यद्यपी नेपाली सेना,ससस्त्र प्रहरी बल, तथा डिएसपी सहितको टोली अझै नपुगेको उनले बताए ।
उनका अनुसार उद्दारका लागि सुरक्षाकर्मी ढिलोगरी आउने खबर पाएसँगै स्थानीयले आफै उद्दार थालेका थिए । ‘पहिरोले १८ घर बगाएको छ ।अन्य पशुचौपायाहरु पनि मरेका छन् ।’ उनले भने ‘पानी परेकाले उद्दारमा पनि समस्या परिरहेको छ ।
