दार्चुला । लिपुलेक–कालापानी अवलोकन गरेर नेपाल सरकारका उप–प्रधानमन्त्री तथा रक्षामन्त्री ईश्वर पोखरेलको टोली फर्किएको छ । सोमबार बिहान साढे ८ बजे नेपाली सेनाको एनए ०५८ नम्बरको हेलिकोप्टरबाट लिपुलेक–कालापानी क्षेत्रका लागि उडेको टोली बिहान ९ बजे फर्केको हो।
उप–प्रधानमन्त्री तथा रक्षामन्त्री पोखरेलसहितको टोलीमा दार्चुला जिल्लाबाट निर्वाचित प्रतिनिधिसभा सदस्य गणेशसिंह ठगुन्ना, सुदूरपश्चिम प्रदेशका उप–सभामुख निर्मला बडाल जोशी, प्रदेशसभा सदस्य गेल्वुसिंह बोहरा र मानबहादुर धामीलगायत सुरक्षा अधिकारी थिए।
लिपुलेक–कालापानी क्षेत्रमा अत्याधिक हिमपातका कारण अवतरण हुन नसपछि हेलिकोप्टरबाटै लिपुलेक–कालापानी क्षेत्रको अवलोकन गरेर मन्त्रीको टोली फर्किएको प्रमुख जिल्ला अधिकारी यद्धुनाथ पौड्यालले बताए।
