कञ्चनपुर, २० जेठ
नेपाल समाजवादी पार्टी (नयाँ शक्ति) को सुदूरपश्चिम प्रदेश स्तरीय भेला कञ्चनपुरको बेलौरीमा आयोजना गरिने भएको छ। “भावसम्प्रेषण तथा दोस्रो भेला कार्यक्रम” शीर्षकमा उक्त कार्यक्रम बेलौरी नगरपालिका–६ मा अवस्थित पून होटल एण्ड पार्टी प्यालेसमा जेठ २० मंगलबार दिउँसो १२ बजे सुरु हुनेछ। कार्यक्रममा पार्टीका केन्द्रीय अध्यक्ष तथा पूर्वप्रधानमन्त्री डा. बाबुराम भट्टराई प्रमुख अतिथि रहनेछन्।
नेपाल समाजवादी पार्टी (नयाँ शक्ति) कञ्चनपुरका जिल्ला इञ्चार्ज दिपेश शाहीका अनुसार सो भेलामा सुदूरपश्चिम प्रदेशभरिका पार्टीका नेता, कार्यकर्ता, शुभेच्छुक तथा सर्वसाधारण जनसमुदायलाई सहभागी भई कार्यक्रम सफल बनाउन आग्रह गरिएको छ।
शाहीले यस भेलालाई संगठन सुदृढीकरण र भावनात्मक एकताको सन्देश दिने अवसरको रूपमा लिने तयारी गरिएको बताए। कार्यक्रमको व्यवस्थापन तथा आवश्यक तयारी अन्तिम चरणमा पुगेको पार्टीले जनाएको छ।
