मदिरा सेवन गरेर ग्वालावारी सामुदायिक वनमा बेतिथि मच्चाउने काँग्रेस नेता भाट प्रहरी फन्दामा

कञ्चनपुरको कृष्णपुर नगरपालिका २ वाणी स्थित ग्वालावारी सामुदायिक वनमा बेथिति मच्चाउने एक नेपाली काँग्रेसका नेता पक्राउ परेका छन । मदिरा सेवन गरेर सामुदायिक वनको कार्यालयमा पुगेका नेपाली काँग्रेस कृष्णपुर नगरपालिका २का वडा सभापति रमेशराज भाट पक्राउ परेका हुन । भाटलाई आइतबार पक्राउ गरेर ईप्रका झलारीमा ल्याएको प्रहरीले जनाएको छ । ईलाका प्रहरी कार्यालय झलारीका इन्चार्ज राजेश बस्नेतले काठको विषयमा सामुदायिक वनमा भाटले विवाद गरेपछि नियन्त्रणमा लिएको बताए । ‘अहिले दुवै पक्षलाई उक्त विषमा छलफलका लागि बोलाएको छु, ‘उनले भने, ‘के निष्कर्ष निस्किन्छ हेरु, जहाँसम्म दुवै पक्षविच सहमती होला जस्तो छ ।’ भाटलाई अस्थायी प्रहरी पोष्ट वाणीले नियन्त्रणमा लिएर ईलाका प्रहरी कार्यालय झलारीको जिम्मा लगाएको थियो । सत्ताशिन दलकै नेता कार्यकर्ताहरुले यो हदको बेथिति मच्चाउन थालेपछि नागरिक समेत हैरान भएका छन । यसरी सार्वजनिक निकायमा मदिराले लठ भएका भाटले ताण्डब मच्चाएर एक सात प्रहरी हिरासतमा बसेपछि सत्तारुढ दलकै नेता कार्यकर्ताहरुले छुटाउन दौडधुप गरिरहेको जनाईएको छ ।