जापान कराते डो कोशीकाई सितोरियो संघ नेपालले विभिन्न स्थानमा भएका खेलमा पदक ल्याउने खेलाडिहरुलाई सम्मान गरेको छ ।
जापान कराते डो कोशीकाई सितोरियो संघ नेपालले गत वर्ष भारतको चेन्नईमा भएको प्रथम दक्षिण एशियाली साग खेलकुद कराँते प्रतियोगिता र केहि दिन अगाडि भारतकै झारखण्डको गिरिडिहमा भएको तेस्रो अन्तर्राष्ट्रिय कराँते प्रतियोगितामा उत्कृष्ट प्रदर्शन गरि पदक प्राशश्प्त गर्ने खेलाडिहरुलाई सम्मान गरेको छ । शुक्रवार जिल्ला समन्वय समित कञ्चनपुरको सभाहलमा आयोजित एक कार्यक्रममा जिल्ल समन्वय समिती प्रमुख दुर्गा दत्त बोहरा लगायतका महानुभावहरुले प्रमाण पत्र सहित सम्मान गर्नु भएको हो ।
गत वर्ष भारतको चेन्नईमा भएको प्रथम दक्षिण एशियाली साग खेलकुद कराँते प्रतियोगितामा १३ स्वर्ण , ३ रजत र ३ काश्य पदक जिती प्रथम स्गान हासिल गर्न सफल खेलाडि तथा भारतकै झारखण्डको गिरिडिहमा भएको तेस्रो अन्तर्राष्ट्रिय कराँते प्रतियोगितामा २७ स्वर्ण र २ रजत पदक प्राप्त गरि ईतिहास रच्न सफल खेलाडिहरुलाई सम्मान गर्न कार्यक्म आयोजना गरिएको जापान कराते डो कोशिकाई सितोरियो संघ नेपालका केन्द्रिय महासचिव कराँते नेपालको ग्राण्ड मास्टर हन्सी अभिषेक सिंहले वताउनु भयो ।
उक्त सम्मान कार्यक्रममा खेलाडिहरु सहित प्रशिक्षकहरुलाई समेत सम्मान गरिएको छ भने खेलकुद मार्फत नेपाललाई विश्वमा चिनाउन जापान कराते डो कोशिकाई सितोरियो संघको महत्वपुर्ण योगदान रहेको भन्दै्र सहभागिहरुले प्रसंसा सेमत गरेका थिए ।
