महेन्द्रनगर । भारतले २ सय ४२ नेपालीलाई नेपाल पठाएको छ । भारतको बनबासा र टनकपुरस्थित रहेका ती नेपालीलाई भारतले नेपाल पठाएको हो ।
जिल्ला प्रशासन कार्यालय कञ्चनपुरका अनुसार भारतको टनकपुर र बनबासास्थित क्वारेन्टिनमा रहेका २ सय ४२ जना नेपालीलाई भारतले नेपाल पठाएको छ ।
४२ दिनको क्वारेन्टिन अवधी पुरा गरेपछि भारतले उनिहरुलाई नेपाल पठाएको जिल्ला प्रशासन कार्यालय कञ्चनपुरका सहायक प्रमुख जिल्ला अधिकारी गोकर्ण प्रशाद उपाध्यायले बताए ।
उनले भने ‘ भारतको बनबासा र टनकपुरस्थित क्वारेन्टिनमा रहेका २ सय ४२ जना नेपाली नागरीकले ४२ दिनको क्वारेन्टिन अवधि पुरा गरेपछि भारतले उनिहरुलाई नेपाल पठाएको हो ।’
कञ्चनपुरको गड्डाचौकी नाका बाट नेपाल प्रवेश गरेका ती नेपाली नागरीकहरु सबैको आरडिटी परिक्षण रिपोर्ट नेगेटिभ आएपछि उनिहरुलाई आ–आफ्नो घर पठाइएको सहायक प्रमुख जिल्ला अधिकारी उपाध्यायले बताए ।
फाइल फोटो
