आउँदो मगलबार राष्ट्रिय प्रजातन्त्र पार्टीका केन्द्रीय अध्यक्ष राजेन्द्र लिङदेन कञ्चनपुर आउने भएका छन । स्थानीय तहको निर्वाचन नजिकिदै गर्दा केन्द्रीय अध्यक्ष लिङदेन सहितको टोली महेन्द्रनगर आउने भएको हो ।
यही फागुन १६ गते कैलालीको सुख्खडमा हुने आमसभालाई सम्वोधन गरे पछि १७ गते मगलबार महेन्द्रनगरमा भव्य आमसभा गरिने भएको छ । विहिवार कञ्चनपुरको महेन्द्रनगरमा पत्रकार राप्रपा कञ्चननपुरले केन्द्रीय अध्यक्ष लिङदेन सहितका शिर्ष नेता जिल्ला आउने जनाएको छ । राप्रपा कञ्चनपुरका अध्यक्ष गजेन्द्र बहादुर चन्दले पहिलो पटक केन्द्रीय अध्यक्ष सहितका शिर्ष नेताहरु जिल्ला आउन लागेको बताए ।
पार्टी अध्यक्ष लिङदेनसंगै उपाध्यक्ष विक्रम पाण्डे, महामन्त्री धवल शमसेर राणा, प्रवक्ता ज्ञानेन्द्र शाहीका नेताहरु कञ्चनपुर आउने भएका छन । ‘महाशिवरात्रीकै दिन राप्रपाले राखेको आमसभामा जनता जेरी खाँदै हाम्रो कार्यक्रममा सहभागि हुनेछन, ‘अध्यक्ष चन्दले भने, ‘राप्रपा कञ्चनपुर आमसभाका लागि तयारीकमा जुटेको छ ।’
राप्रपा सुदूरपश्चिम प्रदेशका अध्यक्ष धर्मराज जाशीले राप्रपामा युवाहरुको आकर्षिण बढेको बताए । ‘एमसीसी पास गराउनका लागि काँग्रेस तलदेखि माथिसम्म लागि परेका छन, ‘उनले भने, ‘प्रमुख प्रतिपक्षीय दल एमाले समेत पक्षमा देखिएको छ ।’
जनता ठुला दलप्रति निरास भएकाले राप्रपा उदाउँदो शक्ति रहेको बताए । अध्यक्ष जोशीले राप्रपा जनताको घर दैलोमा पुगिरहेको बताए । प्रचार विभाग संयोजक एव राप्रपा भीमदत्त नगरका अध्यक्ष करन पालले आमसभाको गाँउ गाँउमा प्रचार प्रसार गरिएको बताए ।
