भदौ २७, दार्चुला । दार्चुलाको महाकाली नगरपालिका र अपिहिमाल गाउँपलिकामा आजबाट विद्यालय सञ्चालन भएका छन ।
जिल्ला सदरमुकाम खलंगाको महाकाली नगरपालिका र अपिहिमाल गाउँपालिकाले भदौ २७ गते आइतबारदेखि स्वास्थ्य मापदण्डको पालना गरेर भौतिक उपस्थितिमा पठनपाठन शुरु गरिएको हो । महाकाली नगरपालिकाको महेन्द्र नमूना मावि खलंगाले नर्सरी देखि कक्षा ५ सम्मको कक्षा बिहान १० बजेदेखि र कक्षा ६ देखि १० सम्मको पढाई बिहान ७ बजे देखि साढे १० बजेसम्म पढाई भएको बताइएको छ ।
अपिहिमाल गाउँपालिकाभित्रका सबै विद्यालयहरु पनि आजबाट सञ्चालनमा आएका छन । कोरोना संक्रमणको कारण बन्द रहेका विद्यालय कोरोना संक्रमणको जोसखम कम भए संगै पुन सञ्चालन भएका हुन । नेपाल सरकारको स्मार्ट लकडाउन, शिक्षा मन्त्रलयले जारी गरेको विद्यालय सञ्चालन कार्यढाँचा २०७७ र डिसिसिएमसीको निर्णयलाई मध्यनजर गरेर पठनपाठन सुचारु गर्न लागिएको सम्बन्धीत स्थानीय तहहरुलृ जनाएका छन ।
दार्चुलाका विभिन्न स्थानीय तहमा यस अघि नै विद्यालय सञ्चालन भइसकेका छन् । कोभिड–१९ संकट व्यवस्थापन केन्द्र दार्चुलाको बैठकले सरकारले जारी गरेको स्मार्ट लकडाउनको पालना गर्दै पठनपाठन सुचारु गर्न सकिने निर्णय गरे पछि जिल्लाका अधिकांस स्थानीय तहमा विद्यालय सञ्चालनमा आएका छन । स्थानीय तह र विद्यालय व्यवस्थापन समितिको निर्णयका आधारमा पठनपाठन सुचारु गर्न सकिने निर्णय जिल्ला प्रसासन कार्यालयले गरेको थियो । जिल्लाको लेकम गाउँपालिका, नौगाड गाउँपालिका, मार्मा गाउँपालिका शैल्यशिखर नगरपालिका, मालिकार्जुन गाउँपालिका लगायतका स्थानीय तहमा यस अघि नै विद्यालयमा पठनपाठन शुरु भइसकेको छ ।
