महाकाली नदी गाँउपस्यो, सयौँ घर डुवानमा

कञ्चनपुर :   उर्लिएर आएको महाकाली नदी कञ्चनपुरका गाँउबस्तीमा पसेको छ । अबिरल बर्षातका कारण महाकाली नदीमा पानीको सतह बढेसंगै नदी कञ्चनपुरका गाँउ बस्तीमा पसेको हो । महाकालीमा पानीको बहाब बृद्धि भएका कारण नदीमा मिसिने विभिन्न नदीखोला समेत थुनिएका छन । महाकाली नदी कञ्चनपुरको भीमदत्त नगरपालिका १२ र दोधाराचाँदनी नगरपालिका १० क्षेत्रका गाँउमा पसेर सयौँ घर डुवान र विस्थापित भएका छन । निर्माणाधिन महाकाली चारलेन सडकका कच्ची संरचना समेत भत्काएको छ ।

चुरे भएर बग्ने भुजेला खोला भीमदत्त नगरपालिका १२ ऐरी क्षेत्रबाट महाकालीमा मिसिन्छ, तर महाकालीमा शनिबारदेखि बढेको पानी उक्त खोला थुनिएर नदीको पानी खोलामा पुगेर सो क्षेत्रका डेढ दर्जन घर डुवानमा परेको भीमदत्त नगरका जनप्रतिनिधीले बताएका छन । भीमदत्त नगरपालिका १२ का वडाध्यक्ष कृष्णसिह देउपाले ठूला नदीमा मिसिने साना खोला थुनिएर नदीकै पानी खोलामा पसेसंगै गाँउ डुवानमा परेको बताए । ‘महाकाली नदीमा मिसिनुपर्ने खोलामा उल्टै महाकाली मिसिएर पानी गाँउ पसेको छ, ‘उनले भने, ‘जनता विस्थापित भएका छन ।’ काठमाण्डौँमा सबेर बनाएका योजनाले उल्टै गाँउबस्ती डुवानमा परेको छ । सो क्षेत्रका वाढिपीडितको विचल्ली भएको छ । उनीहरु पालमुनी रातकाट्न बाध्य भएका छन । स्थानीय पीडित प्रमोद पालले पीडितको पीडा कुनैपनि निकायबाट सम्बोधन नभएको बताए । उनले भोटका लागि आउने पीडा पर्दा नआउने आएपनि पीडा नबुझिदिने समस्याले पीडित निरास बनेको बताए ।

भीनपा १२ऐरीका वाढिपीडित दुर्गा चैसिरले विस्थापित भएसंगै समस्यामा परेको बताए । ‘दुई किलो चामल दिन्छन, त्यसले हामीलाई एक छाक पनि पुग्दैन, ‘उनले भने, ‘दुई किलो चामल दिने लाखौँको प्रचारबाजी गर्दछ ।’ राती अर्काको घरमा कसरी जाने । राशन बगेर समस्यामा भएको बताए । उनले खोलाको निकास दिनुपर्ने माग अघि सारे । अर्का पीडित प्रमोद भट्टले डुवान पारेको नभई डुवान पारेको बताए । ‘हामीलाई समस्यामा पारेर ठेकेदार बचाउने काम भयो, ‘उनले भने, ‘हाम्रो पीडा सम्बोधन भएन ।’ उता दोधाराचाँदनी नगरपालिका १० महाकाली नदीमा मिसिदा सयौँ परिवार डुवानमा परेका छन । दोधाराचाँदी नगरपालिका १० शान्ति टोल, बैद्य टोल कुतियाकबर क्षेत्रमा डुवान परेको छ । सो क्षेत्रमा डुवान परेकालाई अति विपद्मा परेका १५ परिवारको शसस्त्र प्रहरीले उद्दार गरेको छ । दोधाराचाँदनी नगरपालिका प्रवक्ता दिल बहादुर सिजालीले नदी थुनिदा समस्या भएकाले यसको दिर्घकालिन निकासबारे सोच्नुपर्ने अवस्था आएको बताए ।

गयराती महाकाली नदीमा अढाई लाख क्यूसेक पानीको बहावले कञ्चनपुृरका गाँउबस्तीमा वाढि पसेको हो । जिल्ला प्रहरी कार्यालय कञ्चनपुरका प्रहरी प्रवक्ता अमर बहादुर थापाले आइतबार बिहान महाकाली नदीको बहाव २लाख २३ हजार पुगेको बताए । ‘कहिले घट्छ, कहिले बढ्छ, ‘प्रवक्ता थापाले भने, ‘दोधारा र भीमदत्तका दुई बस्तीमा पानी पसेपनि अन्य भौतिक तथा मानविय क्षति भएको छैन ।’ प्रहरी उद्दार कार्यमा हाईअलट रहेको उनले बताए । कञ्चनपुरका पूर्व तयारी नहुँदा समेत प्रकोपको उच्च सामना गर्नुपर्ने सरोकारवालाको भनाई छ ।

ताजा खबर

जेनजी आन्दोलन, मेरो दाईजोका समान पनि लुटेर लगे ः कुसुम, राजकीय पदमै नभएका पुर्व मेयर सुरेन्द्र विष्टको घरमा हमला

  कञ्चनपुर, भदौँ २९ हिन्सात्मक बनेको जेनजी आन्दोलन कञ्चनपुरमा निर्वतमान गृहमन्त्री...

दुर्गाथली गाँउपालिकाले जेनजी आन्दोलनमा मासिएका बझाङ्कबासीलाई जनही एकलाख राहत दिने 

कञ्चनपुर, भदौँ २९  जेनजी आन्दोलनमा क्रममा मारिएका सुदूरपश्चिम प्रदेश बझाङ्कमा...

सडक विभागकै निर्देशन विपरित, प्रशासनको अनुमती बिनै दाङ पुगेको महाकाली पुल आयोजनाको गाडीमा तोडफोड आगजनी 

  कञ्चनपुर, २९ भदौँ  २४ भदौँ(मंगलबार) देशभर जेनजी आन्दोलन रणभूमिमा परिणत...

कञ्चनपुरमा ‘जेनजी’ आन्दोलन उग्र, दर्जनौं संरचनामा तोडफोड र आगजनी

कञ्चनपुर, भदौ २७ – कञ्चनपुरमा चलिरहेको ‘जेनजी’ आन्दोलन हिंसात्मक...

जेनजी प्रदर्शनका क्रममा मृत्यु हुनेको संख्या ३६ पुग्यो

काठमाडौं भदौ,  २६ । जेनजी प्रदर्शनका क्रममा मृत्यु हुनेको...

Website developed by:

spot_img

छुटाउनु भयो कि ?