महेन्द्रनगर । कञ्चनपुरको बेलौरी नगरपालिका–१० का स्थानियले भारतिय सुरक्षाकर्मी लाई लखेटेका छन् ।
आइतवार भारतिय सुरक्षाकर्मीहरुले बेलौरी स्थित पिल्लर नम्बर ३३ देखी ३५ नम्बर पिल्लर सम्म एकलौटी रुपमा सीमा नापेकोभन्दै स्थानियहरुले उनिहरुलाई लखेटेका हुन् ।
‘नेपाली पक्षलाई जानकारी नदिई भारतिय सुरक्षाकर्मीले एकलौटी रुपमा सीमा नापेपछि स्थानियले उनिहरुलाई लखेटेका हुन् ।’वडाध्यक्ष हरीलाल चौधरीले भने ‘ पिल्लर नम्बर ३३ देखी ३५ नम्बर विवादित क्षेत्र हो ।’
उता कञ्चनपुरका प्रमुख जिल्ला अधिकारी रामकुमार महतोले सीमा स्तम्भको निरीक्षण गर्दा नेपाली पक्षसंग समन्वय गर्नु पर्ने तर भारतीय पक्षले समन्वय नगरेको बताए । ‘त्यो नियमित गस्ती हो । पहिले नै भएका सीमा स्तम्भहरुको हेरफेर भएको छरछैन् भनी निरीक्षण गरेका हुन् ।’ प्रमुख जिल्ला अधिकारी महतोले भने, ‘निरीक्षण हामीले पनि गर्ने गरेका छौँ । तर समन्वय गरेर गर्नु प(थ्यो । त्यताबाट क्रुटि भएको छ । उहाँहरुले माफी माग्नु भएको छ ।’
