महेन्द्रनगर । सुदूरपश्चिम प्रदेशको दुर्गम दार्चुलाको मार्मा गाँउपालिकामा सिटी लिङ्क कम्प्युटर ईन्सिच्युटको शाखा विस्तार गरिएको छ ।
आईतवार महेन्द्रनगरमा केन्द्रीय कार्यायल रहेको उक्त कम्प्युटर ईन्सिच्युटले मार्मामा पनि शाखा विस्तार गरेको हो ।
कम्प्युटर ईन्सिच्युटका सञ्चालक एव्म प्रवन्धक निर्देशक दिनेश सिंह महराले आईतबार भव्य कार्याक्रममा बिच मार्मा शाखाको उद्धघाटन गरिएको बताए । उनका अनुसार दुर्गम क्षेत्रमा सेवा दिने उद्देश्यका साथ सेवा विस्तार गरिएको हो ।
शाखाको उद्धघाटन कार्यक्रमका प्रमुख अथिति मार्मा गाँउपालिका–३ का वडाध्यक्ष पुष्कर सिंह विष्टले गरे ।
प्रवन्धक निर्देशक महराको सभापतित्वमा सञ्चालन भएको उक्त कार्यक्रममा विभिन्न सरकारी तथा गैरसरकारी संस्थाका प्रतिनिधि,पत्रकार,प्रहरी, लगाएत स्थानियको उपस्थिति रहेको थियो ।
उक्त क्षेत्रमा कम्प्युटर इन्सिच्युट खुलेपछि स्थानीय खुशी भएका छन् । स्थानिय सन्तोष महराले भने ‘हामीहरुले कम्प्युटरका कक्षा लिन तराईका जिल्ला जानु पर्ने बाध्यता थियो ।
’उनले थपे ‘अब हामीहरुले घरमै बसेर कम्प्युटर सिक्न पाउने भयौ ।’ लामो समय देखि गुणस्तरीय सेवा दिईरहेको सिटी लिङ्क कम्प्युटर महेन्द्रनगरको नाम चलेको ईन्सिच्युट हो ।
